This content is available in Chinese only
新世界發展噚日宣布，因應市民對新冠病毒檢測需求甚殷，而社區檢測中心輪候需時，所以決定同本港初創獨角獸、基因及診斷檢測公司Prenetics合作，捐贈20萬套快速抗原檢測包，畀6間非牟利機構，包括：基督教香港信義會社會服務部、香港路德會社會服務處、香港社區組織協會、香港基督教女青年會、兒童癌病基金及聖雅各福群會。
6間機構會喺本月下旬陸續將檢測包轉贈畀有需要嘅基層人士，例如清潔、保安、獨居長者等，紓緩佢哋購買檢測套裝嘅經濟負擔。有關檢測包，檢測者以拭子棒收集鼻腔拭子樣本，15分鐘就知道結果，無病徵都可以檢測到樣本係咪呈陽性。
新世界及Prenetics亦會向該6間機構，捐出50套快速檢測系統Circle HealthPod及500套一次性分子檢測組合，畀有關機構職員使用。
